محمد نور سمؤال
Admin
المساهمات : 11
تاريخ التسجيل : 17/08/2010
 | موضوع: رسالة من أرقاوى ؟؟  الإثنين فبراير 28, 2011 11:32 pm | |
| احبابى وصلتنى هذة الرسالة عبر خاصية أتصل بنا الموجودة فى الموقع ...
Forwarded Message ----
From: Mohammad Ali Salih <mohammadalisalih@yahoo.com>
To: SalihOsman <osman1511@yahoo.com>; SalihOsman M. <wadihaj@hotmail.com>
Sent: Mon, January 3, 2011 9:21:32 PM
Subject: Fw: مائة سنة على تاسيس مدرسة ارقو الاولية
----- Forwarded Message ----
From: Mohammad Ali Salih <mohammadalisalih@yahoo.com>
To: Salih Moawia Omer <Moawia.Salih@yahoo.com>
Sent: Thu, December 30, 2010 9:36:22 AM
Subject: مائة سنة على تاسيس مدرسة ارقو الاولية
مائة سنة على تاسيس مدرسة ارقو الاولية
السلام عليكم
انا محمد علي محمد صالح ود ادريس، العربي، الكباشي، ابو حوية، شراب الروب.
اتكلم معاكم من اميركا، من واشنطن العاصمة، من قدام البيت الابيض.
بقدر من الله، انا لي اكثر من ثلاثين سنة صحافي في واشنطن.
والحمد لله، استمتع بالحرية الاميركية والحضارة الاميركية ولا اشتكي من الشعب الاميركي
لكني غاضب على السياسة الحكومة ضد الاسلام والمسلمين
بسبب حرب العراق، وحرب افغانستان، وحرب الصومال، وتأييد اسرائيل، وضرب حزب الله في لبنان، وضرب حماس في غزة.
من قبل ثلاث سنوات، ومن وقت لآخر، حسب ظروف عملي، اقيف قدام البيت الابيض وارفع لافتة تقول: ما هو الارهاب؟ وما هو الاسلام؟
صامت، ما اتكلم، ولا اجادل، ولا اناقش.
وبراي، ما معاي واحد. وطبعا الله معاي.
والقصد هو توعية الشعب الاميركي.
والقصد هو الدفاع عن الاسلام والمسلمين
وانا قلت من اول يوم انا حأجي للبيت الابيض كل ما يكون عندي وقت، ولمن اتقاعد من العمل الصحافي ان شاء الله، حأجي كل يوم، الى ان يتوفاني الله.
وارجو منكم ان تدعو لي بالتوفيق
وانا قدام البيت الابيض الاميركيون دائما يسألوني: ليه تعمل كده؟
وانا دائما اقول ليهم: انا ابن ارقو. وفي ارقو عرفت انو الدين عند الله هو الاسلام. وعرفت انو الاسلام هو دين العدل.
والفضل لمسجد الادارسة، ومسجد الخلايفة، ومسجد شيخ منور، ومدرسة ارقو الاولية ومدرسة ارقو الوسطي
انا اخو ميرغني محمد صالح، ومحمد محمد صالح العربي، وعمر محمد صالح، وعثمان محمد صالح وعاصم محمد صالح. وكلهم قروا في مدرسة ارقو الاولية
انا دفعة محمود حسن سيد احمد حسنين، وقاسم محمد محمود حسنين، وعبد الله احمد محمد، ومحمد عبدون، وعبد الله عبد اللطيف، وعبد الله عبد العزيز، وسرى عبد الصادق عنبر. وقبلي كان عبد السلام محمد ابو يوسف، وابن الحاج محمد صالح خليفة. وبعدي عبد الله جاد غريب ومحي الدين محمد محمد علي، واحمد بلال مرجان، وعبد الله عبد الهادي.
وغيرهم. اطال الله في اعمار الاحياء ورحم الاموات
وانا دائما اقول للاميركان انا اتعلمت التسامح والتعايش في مدرسة ارقو الاولية لانو كان فيها عرب وحلب ودناقلة ومحس وشايقية، واولاد تجار، واولاد عمال، واولاد موظفين، واولاد مزارعين.
انا حسع واقف قدام البيت الابيض، واحييكم، وارجو ان تدعو لي
وانا ما بطل. لكن الحمد لله ربنا هداني اعمل البعمل فيهو ديه
واخيرا، البرد شديد والجليد جايي.
رسلوا لي قراصة بالدمعة، او كابيدة بالويكة، او عصيدة بالروب، او صحن فول بالليمون وزيت السمسم من عصارة احمد محمد.
ومع السلامة
----------------------------
CLICK HERE TO VISIT MY WEBSITE!
MohammadAliSalih.com
البريد الإلكتروني للمرسل: contact@MohammadAliSalih.com | |
|
